Gipuzkoako Probintziako Artxibo Historikoa

Lanbroa Kultur Elkarteak Artxiboen Nazioarteko Egunaren harira gonbidapen berezi bati erantzun zion, eta ekainaren 16an Gipuzkoako Probintziako Artxibo Historikora bisita gidatuan parte hartu zuen. Hamahiru laguneko taldeak, bazkide eta herritarrez osatua, artxiboaren barne-lanak gertutik ezagutzeko aukera izan zuen. Ohikoan bisitariendako itxita dauden eremuetara sartuz, bertan gordetzen den ondare dokumentalaren balioa eta artxiboko eguneroko lan prozesuak hurbiletik ezagutzeko esperientzia paregabea bizi izan zuten.